Фудбалот му е во крвта. Беше на клупата на ФК Охрид кога тимот успеа да ја мине второлигашката голгота и две години беше дел од прволигашката елита.
Својот неоспорен тренерски квалитет и “сенс“ го потврди и со тимот на Напредок кој исто така го одведе во прволигашкото друштво.
Моментално е во Австралијa каде работи во клуб во првата лига. Драган Блажески – Крчо .
– Осум години сум надвор од Македонија, но постојано сум во контакт со луѓето во Македонија.
Речиси и да не пропуштивте тренинг на охридските бели и слободно можам да речам дека можеби бевте поредовен од некој од фудбалеите кои играат во тимот. Како ги гледате шансите на Охрид оваа сезона?
– Оваа сезона очекувам Охрид да заврши во горниот дел од табелата. Со две- три засилувања опстанокот не би бил доведен во прашање. Да не се залажуваме дека може да се стигне до првото место. Во било која лига е најтешко да си прв па макар било тоа и општинска .
Имавте можност овде во Охрид на лице место да се уверите во квалитетите на “новиот“ Вардар ?
– Пријатно сум изненаден од Вардар, кој по доаѓањето на Достаниќ игра могу офанзивно. Вардар има добра екипа и спред мене со 7-8 бода над другите ќе го заврши шампионатот.
Блажески не го остава фудбалот. Во изминатиот период тренерската кариера ја продолживте во Австралија ?
– Нон стоп сум во фудбалот, работам во клуб кој се натпреварува во првата лига.Условите таму и условите овде се неспоредливи. Фудбалот кој се игра таму е доста агресивен. Би сакал да видaм некој од овдешните играчи таму, но многу тешко се наоѓа профил на играч кој може да игра во таа лига.
