Достоинствен пораз за крај ! !

Ракометарите на Климент Охридски со пораз го заокружија есенскиот дел од  натпреварувањето во Првата ракометна лига запад.

Во салата Билјанини Извори ,охридските бели беа поразени од лидерот во шампионатот Металруг Јуниор со  24-31 ( 14-15 ) .

Охриѓани повеќе од солидно се носеа во првиот дел, кога со головите на Томовски и Трифуноски одржуваа резултатска рамнотежа. За одбележување е и податокот што во првиот дел речиси една третина од натпреварот го одиграа со играч помалку. Преку Трифуноски успеаа да постигнат погодок со три играчи во поле ! ! !

Одлучувачка за победата на гостите беше серијата 8-0 на стартот на вториот дел. Долгата клупа потоа им овозмози на скопјани  да стигнат до деветта победа во шампионат.

Најпрецизен на натпреварот беше Трифуноски со 10 гола .

Со овај натпревар заврши есенскиот дел од шампионатот а охриѓани со скор од две победи и седум порази  завршија на шестото место. Наредниот натпревар  охридските бели ќе го играат наредната година во март .