Словенецот Лука Дончиќ по завршување на Олимписките игри (ОИ) во Токио се очекува да потпише со НБА екипата на Далас продолжување на договорот за уште пет години за што ќе добие 202 милиони долари, јавија вечерва американските медиуми.
Дончиќ (22) има договор со Далас до крајот на следната сезона, а на Олимпијадата во Токио со словенечката репрезентација го очекува четвртфинална пресметка против Германија.
Дончиќ, кој беше избран за најдобар дебитант во НБА лигата во 2019 година, има просек, од 25.7 поени, 8.4 скокови, 7.7 асистенции во 199 натпревари откако се пресели во најсилната кошаркарска лига во светот.
