Иако од трагичната смрт на кралот на попот Мајкл Џексон минаа четири години, сеуште не легнала прашината за скандалите околу неговиот разуздан приватен живот. Британскиот „Мирор“ тврди дека дошол во сопственост на скандалозни аудио снимки на ФБИ, кои докажуваат дека пејачот во период од 15 години исплатил повеќе од 35 милиони долари како би замолчил најмалку 24 деца кои наводно ги злоставувал. Контраверзните снимки ФБИ ги запленило уште во 2002 година, но тие биле претставени три години подоцна на судењето против Џексон, кога одговарал за злоставување деца.
Од објавените транскрипти се дознава дека Џексон минувал по цели ноќи со момчињата, и тоа додека понекогаш нивните родители пушеле марихуана во соседната соба. Според изјавите на некои од сведоците, Џексон бил сериозен „детски предатор“. Меѓу неговите миленици имало и деца на познати актери, кои да биде уште побизарно и поболно, ги нуделе своите деца на кралот на попот. За возврат добивале сериозни суми пари. На детето на еден од тие актери, му биле платени 400 илјади евра да се обрзе на тоа дека ќе избегнува секаков контакт со медиумите. Претставниците на ФБИ сеуште не потврдиле дали британскиот весник поседува автентични снимки.
