Многу ѕвезди често гостуваат во познати реални шоуа, а не би ви се верувало која е висината на нивните хонорари.
Мараја Кери уверливо ќе ги надмине и некои од најпопуларните “судии” како што се Џенифер Лопез и Бритни. Мегапопуларната пејачка се согласи да биде член на жирито во познатото америчко талент шоу “Амерички Идол”, а за своите критики и совети ќе добие неверојатни 18 милиони долари.
“Ќе биде многу забавно, сакам со своето искуство да им помогнам на новите млади таленти” – напишала Кери на својот Твитер профил.
Со овој хонорар поп дивата го потврди статусот на најплатен “судија”, а после неа следуваат Бритни Спирс со 15 милиони долари за учеството и помошта во “X Factor”, и Џенифер Лопез со 12 милиони долари исто така во “Америчкиот идол”.
