На невработените лица кои редовно се пријавуваат во Агенцијата за вработување, Владата им нуди бесплатни лекарски прегледи што се вршат во здравствените домови.
„Кај охриѓани постои интерес за бесплатните прегледи, така што секојдневно се јавуваат кај нас“, вели доктор Митко Дабевски, директор на Здравствениот дом во Охрид. Според него, ќе се вршат општите прегледи како што се крвната слика, ЕГК и слично, за кои граѓаните плаќаат одредена партиципација.
Акцијата ќе трае до 1 ноември. Предвидени се 130 прегледи, но како што вели директорот Дабески, доколку се пријават повеќе невработени, сите ќе бидат опфатени.
Владината програма наменета за невработените од 25 до 45 години преминува во традиција. Минатата година во охридскиот здравствен дом беа извршени повеќе од 150 општи прегледи на оваа категорија граѓани.
Ohridnews
