Џорџ Клуни преговара за улога во новиот научнофантастичен филм на Дизни. Сценариото за овој филм, чиј наслов е „1952“, го потпишува Дејмон Линделоф, сценаристот на познатата серија ‘Lost’, додека режисер на филмот ќе биде Бред Бирд, режисерот на четвртото продолжение од филмот “Невозможна мисија“.
Според медиумите, филмот според содржината ќе биде сличен на научнофантастичната драма на Спилберг „Блиска средба со трета врста“. во меѓувреме Клуни работи на приказната за кражбите на уметнички дела за време на втората светска војна во филмот “The Monument Men”, на кој ќе биде режисер и ќе глуми заедно со Бил Мареј и Даниел Крег.
