Холивудскиот актер Џони Деп ја започнал издавачката едиција „Инфинитум Нихил“, пренеле агенциите. Меѓу првите наслови на оваа едиција е книгата “The Unraveled Tales of Bob Dylan”, за животот и кариерата на Боб Дилан, која делумно се заснова на интервјуа кое познатиот историчар Даглас Бринкли ги водел со легендата на американскиот фолк.
Едицијата на Деп е дел од издавачката куќа Харпер Колинс која соопштила дека популарниот актер ќе тежи кон автентични, искрени и визионерски идеи и гласови. Деп не е непознат во светот на книгите. Бил близок пријател на писателот и новинар Хантер Томпсон, а глумел и во филмските адаптации на неговите романи „Дневник на румот“ и „Параноја во Лас Вегас“.
