Повеќе од 420 илјади лица ширум светот одговориле на повикот да учествуваат на осмата годишна прослава на Гиносвата книга на рекорди, од кои многумина ветиле дека приходот кој ќе го остварат во оваа прилика ќе го донираат во добротворни цели. Најбројни меѓу нив се децата кои во САД ќе се натпреваруваат во паравење пирамиди од пластични чаши, додека британецот со индиско потекло Маџит Синг ќе се обиде со помош на очните шуплини да подигне 23,5 килограми.
Тим од Германија ќе се обиде да го собори рекордот во кршење што поголем број кокосови ореви во една минута, додека во Франција ќе се одржи натпревар во фрлање најголем број пити со пена за бричење во една минута. Италијанецот Алберто Делеонардис има намера да ја направи најголемата чоколадна монета на светот и тоа не само да би поставил нов рекорд, туку и да би собрал пари за обнова на едно основно училиште во Модена кое страдало во овогодинешниот земјотрес. Во Лондон 28 жени ќе се обидат да влезат во Мини Морис, додека 15-годишната австралијка Лејчлан Фелпс ќе се обиде да постави еркорд во најдолго задржана нота на диџериду, традиционален инструмент на Абориџините.
