Американската актерка Џенифер Анистон се омажи за долгогодишниот партнер и колега Џастин Теру. Венчавката, која била тајна, одржана е во средата, во нивната куќа во резиденцијалната населба Бел Ер, во Лос Анџелес. Според американските медиуми, парот ги размени заветите пред околу 70 најблиски пријатели и членови на семејствата, меѓу кои биле и ѕвездите на серијата Пријатели, Лиза Кудроу и Кортни Кокс, како и познатите американски водителки Елен Деџенерис и Челси Хендлер.
Електронските медиуми објавија фотографии од припремите за свеченоста на кои може да се видат подиумот за танцување, украсените маси и големата свадбена торта. Анистон и Теру се запознаа во 2008 година на снимање, а се верија во август 2012 година.
