Американското списание “Time“, тврди дека Џејмс Камерoн, канадски филмски режисер познат по филмот “Титаник“, во својот нов документарен филм ќе објави откритие кои би можело да го поткопа традиционалното христијанство многу повеќе отколку што тоа успеа да го направи Ден Браун со контроверзниот бестселер “Кодот на Да Винчи“.

Камерон во својот документарец се занимава со гробницата која пред 27 години при копање темели за зграда ја пронајдоа градежни работници во Ерусалим. Во неа биле пронајдени десетина камени саркофази, меѓу кои и еден на кој пишувало Исус син на Јосиф и Јуда, син на Исус.

Професорот Амос Клонер, израелски археолог кој ги водел истражувањата, остатоците не ги поврзал со Исус и неговото семејство, сметајќи дека станува збор за вообичаени имиња на жителите на Пелестина пред две илјади години.

Меѓутоа, Камерoн, кој е продуцент на документарниот филм, како и режисерот Симша Јакобовичи тврдат дека во гробницата се наоѓаат Исус, Марија Магдалена и нивниот син. Своите тврдења тие ги темелат на археолошки сознанија, проучувањето на Библијата, како и на најсовремени методи на ДНК анализа.

Таквото тврдење е во спротивност со традиционалното христијанско верување според кое Исус воскреснал од гробот.

Камерoн и Јакобовичи, своите откритија ќе ги објават на прес конференција денеска, а нивниот филм, кој трае 90 минути, ќе биде прикажан на “Discovery Channel”.

index.hr