Текстот на Џастин Бибер меѓу корисниците на интернетот е повлијателен од оние на Барак Обама и Далај Лама, покажале истражувањата на сајтот Клоут. Клоут ги прати Твитер профилите, фејсбук статусите и „лајковите“, пребарувањата на Гугл и други активности на друштвените мрежи и дава оцени за популарните личности зависно од тоа колку нивните изјави биле повторувани преку интернет.
Џастин Бибер е на првото место со максимални 100 поени, бидејќи секој негов коментар на Твитер бил повторен повеќе од 5 милиони пати. Со тоа го надминал и Барак Обама, чии коментари се користат и повторуваат по 250 илјади пати, а нешто пред американскиот претседател се нашла и Лејди Гага.
