На ден 17.08.2022 година екипите на Центар за јавно здравје Охрид ќе спроведат теристичка (од земја) дезинсекција со цел уништување на комарците, информираат од Општина Дебрца.
Запрашувањето ќе се врши во период од 21.00 до 06.00 часот со апарат за УЛВ ладно запрашување. Со дезинсекцијата ќе бидат опфатени зелените површини во Општината, подрачјето на река Сатеска, локалитетите со застојни водени површини, урбани населби и локалитети предвидени во планот и програмата, велат во соопштението.
Од Општина Дебрца упатуваат апел до пчеларите и пчеларските задруги да превземат соодветните мерки за заштита на на пчелите.
Воедно додаваат дека во случај на појава на неповолни временски услови (ветар, дожд) дезинсекцијата се одложува за следниот поволен ден.
OhridNews
