Изминативе 2 дена СВР Охрид презеде плански мерки со цел откривање на лица со непријавен престој, лица малолетници без надзор и лица кои се одаваат на питачење. Активностите на полициските службеници, беа спроведувани во соработка со Центарот за социјални грижи, при што на подрачјето на Охрид, по овие основи беа повикани на разговор над 30 лица.
Од страна на службата поднесени се вкупно девет прекршочни пријави. Споменатите лица, со обезбеден превоз од Центарот за социјални грижи безбедно се транспортирани од Охрид до нивните места на живеење. Од СВР Охрид известуваат дека заради целосна безбедност на граѓаните на Охрид и туристите, и понатака, а посебно во текот на туристичката сезона, ќе продолжат со примена на овие но и на сите други законски овластувања.
Ohridnews
