Играчот за врска на украинската Ворскла Полтава, Филип Деспотовски која пред четири дена го победи Шахтер во финалето од купот на таа земја, бил изненаден од повикот од Јонуз. Деспотовски имаше суперсезона, па и тој в година ќе игра во Евролигата на УЕФА.– Искрено, не очекував да добијам повик во репрезентацијата. По успешната сезона овој повик дојде како јаготка на тортата – вели Деспотовски.
И тој вели дека се надева оти ќе добие шанса и дека ќе биде еден од двајцата играчи што ќе го освежат тимот, како што најави Јонуз.
– Секој репрезентативец се надева да игра, па така и јас се надевам да дебитирам на мечот со Норвешка. Шансата ќе ја оправдам и ќе го дадам максимумот – вели поранешниот играч на Цементарница, ОФК Београд и на Вардар.
Тој ќе остане во Ворскла уште 18 месеци, колку што му е договорот, а не крие дека има понуди и од други екипи.
– Ми трае договорот со Украинците и спремен сум да го одработам, а за понудите нека размислуваат моите менаџери – вели Деспотовски.
М.П.
