Теквондо клубот ХВА РАНГ ИТФ Лескоец –Охрид учествувaше на еден од најпрестижните турнири за оваа пролетно-есенска сезона. Турнирот се одржа во Добој, Босна и Херцеговина по 10 пат каде силите ги одмерија 25 клубови од 8 земји (Словенија, Австрија, Србија, БиХ, Унгарија, Романија, Хрватска и Македонија), со што ја збогатија Македонија со 15 медали, 2 златни, 6 сребрени и 7 бронзени. 


Најголемото изненадување на турнирот го направи Давид Крстески кој во својата категорија деца до 10 години -30 кг, во конкуренција од дваесетина натпреварувачи, со 4 борби го освои првото место, при што покажа врвна техника и храброст за негова возраст со што ги воодушеви сите тренери и мајстори кои во него гледаат неверојатен потенцијал и можен светски шампион кога ќе дојде неговото време.

Покрај Давид Крстески, одлично се покажаа Антонио Јанески, Христијан Митрески, Тамара Вељаноска, Ангела Јовческа, Александар Јованоски кои за жал не стигнаа до златото и се закитија со сребрени медали. Нашиот репрезентативец кој не претставуваше на претходното Светско првенство за јуниори во Италија, покажа извонредна техника во елиминации, но поради повреда на ногата за жал во финале загуби од Босанскиот репрезентативец.


На овој турнир под водство на Марјанчо Лазаревски црн појас 4 дан, поранешен светски вицешампион, настапија: Крстески Давид – златен медал, борби, пионери -30 кг, Ангела Јовческа –златен медал,форми женски сениори црн појас први дан, сребрен медал борби женски сениори -51 кг, Тамара Вељаноска-сребрен медал борби женски кадети -55кг, сребрен медал форми женски кадети црвен појас, Јанески Антонио – сребрен медал, борби ,кадети -45 кг, Митрески Христијан –среберен медал, борби кадети +60 кг, Јованоски Александар –сребрен медал, борби јуниори -69 кг, Крстески Марио –бронзен медал , борби , кадети -35 кг, Јанеска Елена –бронзен медал , форми, женски кадети , жолт појас, Велковски Давид –бронзен медал, форми кадети зелен појас, Димитриевиќ Божидар –бронзен медал, борби кадети +60 кг, Трифуноски Филип- бронзен медал, борби кадети -55 кг, Грозданоски Климент-бронзен медал, борби сениори +85 кг, Филип Јосифоски-бронзен медал , форми сениори црн појас први дан. Без медал од турнирот во Добој се вратија Димов Јане , Кузманоски Климент и Спасеска Јана.

OhridNews