Најсовремените методи на превентивната и естетската стоматологија кои се применуваат во европските земји отсега ќе бидат достапни и во Охрид, благодарение на новоотворената стоматолошка ординација „Dent inn“ на д-р Танжу Шашко. Свеченото отварање на ординацијата, се одржа вчеравечер со пригоден коктел, на кој присуствуваа голем број гости.

Оваа модерна ординација која е опремена по најновите стоматолошки стандарди е прва ординација во Југозападниот регион од Македонија, која е брендирана од фирмата „Cardena Care“, која е генерален увозник на производите Elmex и Meridol од Швајцарија и оралните тушеви на Waterpik од Америка.

-По своето долгогодишно искуство, д-р Танжу Шашко отвара една ваква модерна ординација која што ќе ги нуди сите најсовремени стоматолошки услуги. Освен услугите од делот на општата стоматологија и протетиката, оваа ординација ќе нуди и услуги во делот на превентивата. Таа го поддржа превентивниот програм Elmex односно третманот кои се прави на секои три месеци со Elmex флуид поради заштита од кариес. Тоа е еден иновативен метод со чија помош може да се спречи појавата на кариес, вели д-р Ана Бојевска од „Cardena Care“.

Таа објаснува дека мисија на нивната фирма е да го намалат кариес индексот на ниво на Македонија.

-Нам како фирма ни се потребни вакви стоматолози и вакви ординации кои нудат едно повиоко ниво на услуга и кои имаат визија за иднина. Се надеваме дека наскоро заедно со д-р Шашко, ќе успееме да развиеме програма за превентива и ќе работиме со детското население на територијата на Охрид, вели д-р Бојевска.

Со своето долгогодишно искуство како специјалист по протетика, д-р Танжу Шашко во новата ординација ќе нуди изработка на Метал керамички коронки и мостови; Безметални керамички коронки и мостови Empress, CAD CAM и Zirconia; Veneers; Lumineers; Тотални протези; Парцијална протези и Инпланти.

Во рамки на услугите од општата стоматологија, новоотворената ординација „Dent inn“ ќе нуди Естетски композитни и нанокомпозитни пломби; Ендодонтско лечење заби; Инлеи и онлеи; Лекување парадонтопатија и гингивитис; Екстракција на заби; Залевање на фисури; Флуоризација и Белење на забите.

Ординацијата „Dent inn“ е лоцирана на булеварот „Туристичка“ веднаш до „Халк Банка“.

OhridNews