Топлотен бран со температури до 40 степени ќе ја зафати Македонија денеска. Синоптичарите проценуваат дека токму денешниот ден ќе биде најтопол ова лето. Максималните температури ќе се движат од 31 до 40 степени Целзиусови, а во Охрид се очекува температурата да достигне до 34 степени. Висок ќе биде и УВ индекстот кој денеска ќе достигне вредност 9.
Топлото време ќе се задржи во наредните неколку дена поради што лекарите советуваат да се избегнува престој на отворено и да се носи светла и тенка облека, капа и очила за сонце. На жешкото време треба да се внимава и на храната, да се одбегнува тешка и мрсна храна, а да се јаде повеќе овошје и зеленчук. Се препорачува да се внесуваат повеќе течности, а алкохолот да се избегнува. Хроничните болни треба редовно да ја примаат терапијата и да го избегнуваат жешкото сонце.
ohridnews
