Притворот на капетанот на бродот „Илинден“, Сотир Филевски, кој беше лишен од слобода на 5-ти септември кога се случи големата трагедија кај Елешец, истекува денеска.
Дали Филески ќе биде пуштен да се брани од слобода, или ќе му биде продолжен притворот ќе се знае денеска.
Во текот на истрагата која сеуште е во тек сослушани се повеќе сведоци, а деновиве се очекува да биде комплетирано и вештачењето на бродот „Илинден“. Од тоа ќе зависи дали обвинението за несреќата во која загинаа 15 бугарски туристи ќе биде проширено евентуално и на други лица.
Непосредно по несреќата во Охрид беше формирано здружение на граѓани „5-ти Септември“ кое покрена иницијатива за утврдување на вистината за потонувањето на бродот „Илинден“ и фер судење за капетанот Филески. За таа цел беше покрената и петиција која резултираше со околу 8000 собрани потписи на граѓани кои му беа предадени на јавното обвинителство.
Ohridnews
