Македонскиот премиер Никола Груевски денес претпладне, во Брисел, ќе се сретне со својот грчки колега Јоргос Папандреу.
Средбата, како што пренесува МИА, е договорена на заедничка иницијатива од двете страни и е во духот на веќе воспоставената пракса на билатерални контакти на премиерско ниво.
Ова ќе биде петта тет-а-тет средба Груевски-Папандреу. Претходните четири беа оценети како корисни за зголемувањето на довербата и разбирањето меѓу двете страни, но не донесоа напредок во решавањето на билатералниот спор за името.
OhridNews
