”Европска недела на движењето” денеска ќе биде одбележана во Охрид каде ќе се одржи манифестациjата Ден без автомобили. Меѓународната тема на овогодишната кампања, што заеднички ја организираат Министерството за животна средина и просторно планирање, градот Охрид, и невладините организации е “ЧИСТ ВОЗДУХ ЗА СИТЕ”.
По тој повод денеска во Охрид ќе биде организиран “Алтернативен марш“ со велосипеди, ролерки, тротинети и на пешаци, на релација: гимназија ”Св.Климент Охридски” – ул. ”Димитар Влахов” – ул. ”Македонски просветители” – Пристаниште, кои времено ќе бидат затворени за сообраќај. Завршната забава ќе започне во 12:00 часот на Пристаништето, со обраќање на државен секретар за животна средина, Дејан Пановски и градоначалникот на Охрид, Александар Петрески.
Целта е да се влијае на подигање на јавната свест за штетноста од прекумерно и беспотребно користење на автомобилите како најголеми загадувачи на воздухот во урбаните средини и да се промовираат алтернативни видови на превоз.
Ohridnews
