Неточна е секоја информација која упатува на присутност на производите: говедска коцка со серија 0507241, со рок на употреба до 05.07.2025 година и пилешка коцка со серија 0307241, со рок до 03.07.2025 година на полиците во продажните места на македонскиот пазар, реагираат од Подравка дооел – Петровец.
Во согласност со својата праксa за општествено одговорно работење и односи со потрошувачите, компанијата Подравка, a по извршениот инспекциски надзор од страна на Агенцијата за храна и ветеринарство (АХВ), ги известува своите потрошувачи дека производите: говедска коцка со серија 0507241, со рок на употреба до 05.07.2025 година и пилешка коцка со серија 0307241, со рок до 03.07.2025 година, се наоѓаат во магацините на Подравка Македонија и воопшто не се дистрибуирани во малопродажната мрежа, потенцираат.
Воедно, посочуваат дека по добиените официјални информации за потенцијална контаминација поради механичко оштетување на машината за производство на масни коцки кај производителот во Република Хрватска, во магацинот на Подравка Македонија беа блокирани и двата вида на масни коцки, со упатство за суспендирање на било каква дистрибуција во малопродажната мрежа.
Потрошувачите треба да бидат спокојни бидејќи Подравка, како општествено одговорна компанија, им гарантира дека спорните серии масни коцки воопшто не биле пуштени во промет, додаваат од Подравка дооел – Петровец.
OhridNews
фото. МИА
