Измените на Деловникот за работата на Собранието и Предлог одлуката за основање на Анкетна комисија за расчистување на собранискиот инцидент од 1 јули, по 20 дневните координациски усогласувања, денеска ќе се најдат пред пратениците во Собранието.
Претседателот на Собранието, Трајко Вељаноски, вчера ги стави двете точки на дневен ред на денешната пленарна седница по постигнатиот консензус меѓу власта и опозицијата.
Хајрула Мисини од ДУИ, познат како командант Шпати, координаторите на пратеничките групи го избраа да раководи со комисијата која ќе го расчистува собранискиот инцидент од 1 јули.
Со измените на Деловникот што беа договорени на координациските средби, се предвидува опозицијата да предлага точка на дневен ред на секоја втора пленарна седница.
Власта и опозицијата повеќе од дваесетина дена се среќаваа на координациски средби кај собранискиот спикер Вељаноски, на кој ги усогласија измените на Деловникот за работата на Собранието и предлог одлуката за основање на Анкетна комисија.
извор: Makfaks
