Винсенте Дел Боске, тренерот на европскиот шампион смета дека место за страв кај Фуријата, иако според него добиле оптимално тешки противници.
– Секој противник има свои квалитети: Хондурас е добар тим, Чиле се доста силни а и Швајцарија ќе биде тешко да се победи. Не треба да мислиме на осминафиналето пред да успееме да се пласираме- изјави Дел Боске.Во групата Х во првото коло ќе играат Чиле и Хондурас , а шпанците својот прв натпревар го играат против Швајцарија.
Бранителот на Жил Риме купот, Италија се најде во Ф групата заедно со Парагвај, Словачка и Нов Зеланд. Селекторот на Италија, Марчело Липи, е задоволен од ждребот, но предупреди дека ова воопшто не е лесна група како што изгледа на прв поглед.
– Секој противник е тежок кога вие го сметате за лесен. Парагвај заврши како првопласиран во јужноамериканските квалификации. Тоа воопшто не е лесен противник. Словачка исто одигра одлични натпревари и победи многу силни противници. Задоволни сме од ждребот, но тоа не значи дека ја сметаме нашата за лесна група. – заврши Липи.
Италија на отварањето на Мундијалот ќе игра против Парагвај, додека Словачка ќе игра против Нов Зеланд.
M.П.
