Еден од најпопуларните светски диџеи, Дејвид Гета, оставил отпечатоци од дланките во цемент на Булеварот на славните во Холивуд. Како знак за признание за придонесот кој го дал во музичката индустрија, Гета минатиот викенд бил повикан да остави отпечатоци од дланките и стапалата пред Кинескиот театар кој неодамна бил реставриран.
Францускиот диџеј е првиот музичар кој оставил свои отпечатоци на ова знаменито место за шоубизнисот, каде неодамна своите отпечатоци ги овековечиле и актерите на вампирската приказна „Самрак“, Роберт Патисон, Кристен Стјуарт и Тејлор Лотнер.
