Дедо Мраз е најпопуларен во финската област Лапонија каде божиќните и новогодишните празници ќе ги поминат десетици илјади туристи од целиот свет.
Почнувајќи од наредниот викенд, па се до средината на јануари се очекува доаѓање на 120.000 фински и странски гости, љубители на белите степи, ирвасите, поларната светлина, и ателјеата каде се прават играчки, изјавил Тула Ринтала Гардин од канцеларијата за туризам на Рованијеми, престолнината на финска Лапонија.
Рованијеми чиј аеродром е изграден во подрачјето каде „официјално“ живее Дедо Мраз ќе прифати повеќе од 50.000 туристи.
Јасминка Т. Момироска
