Даниел Крег, кој ќе го гледаме во најновиот филм за Џејмс Бонд, и Бил Мареј, ќе играат во новиот филм на Џорџ Клуни “The Monuments Men”. Покрај нив во оваа историска драма ќе глума уште и Кејт Бланшет и Џон Гудман. Како бо обичај, Клуни истовремено ќе се најде и пред и зад камерите. Филмот “The Monuments Men”прати група историчари на уметност и кустос кои успеале да повратат илјадници уметнички дела кои нацистите ги украле за време на Втората светска војна.
Заснован според книгата на Роберт М. Едсел, “The Monuments Men: Allied Heroes, Nazi Thieves and the Greatest Treasure Hunt in History”, филмот опфаќа период од 11 месеци, помеѓу денот Д и денот на победата над Јапонија. Една од споредните улоги во филмот, чие снимање почнува во март 2013, ќе ја има францускиот актер Жан Дижардан, ѕвездата на филмот „Уметник“ кој беше награден со Оскар. Последниот филм кој го режирал Клуни бил „Мартовски идеи“ со Рајан Гослинг во главната улога.
