Забрана за пловидба на скутерите на Охридското Езеро бараат спортските клубови на вода и концесионерите на плажите. Тие овој предлог го изнеле на средбата со претставници на СВР Охрид и Капетанијата, на која се разговарало за актуелните безбедносни проблеми на плажите и капалиштата.
Охридската Капетанија информира дека минатата година биле поднесени дваесетина прекршочни пријави против скутерџии.
Концесионерите на плажите велат дека дваесетина прекршоци се прават само во еден ден на една плажа и дека проблемот е навистина голем, што бара и голем рез. Затоа тие предлагаат да се покрене иницијатива за забрана за пловидба на скутери на Охридското Езеро.
Ohridnews
