Утре во хотел Дрим во Струга, со почеток во 18 часот ќе се одржи втората од циклусот јавни дебати на тема „Единство во Различноста“ кои ќе се одржуваат во месеците ноември и декември во општина Струга.
Целта е да се зајакне довербата, толеранцијата и почитувањето меѓу различните етнички групи во општина Струга. Дебатата ќе трае два часа и е предвидено да има дискутанти кои ќе имаат своја презентација. После секоја презентација, ќе се отвори дебата на која присутните ќе можат да прашуваат и да споделуваат нивни мислења.
Дебатите се дел од проектот „Единство во различноста“ кој е имплементиран од страна на Локалната Агенција за Развој во општина Струга, и е финансиски поддржан од програмата на Обединетите Нации „Зајакнување на дијалогот и соработката меѓу етничките заедници“.
Главна цел на проектот е да и помогне на заедницата да ги надмине предрасудите базирани на етничката припадност и религијата.
OhridNews
