Во текот на вчерашниот ден во земјава имало вкупно 45 пожари на отворен простор, од кои во моментов 10 се активни, 3 се под контрола и 32 се изгаснати, информираат од Центарот за управување со кризи (ЦУК).

Активен е пожарот на Галичица кој се шири во правец на врвот Магаро кон Стење, Охридска страна, а зафатена е нискостеблеста вегетација. Под контрола е пожарот во Општина Демир Хисар и Охрид на Илинска Планина, Плаќенска Планина, каде опожарена е ниска вегетација, нискостеблеста шума и букова шума, велат од ЦУК.

Изгаснати се 32 пожари на територијата на државава меѓу нив и пожарот што зафати мешана шума во село Опеница во Охрид, како и ниска вегетација во с.Долно Татеши – с.Добовјани во Струга.

OhridNews