Денес е извршена и втората исплата за поддршка на настраданите семејства од трагичната несреќа во Кочани. Црвениот крст на РСМ досега изврши првична исплата на средства на семејствата на сите починати и повредени лица кои се лекуваат во странство и во земјата, велат и посочуваат дека од двата трансфери вкупно се исплатени 60.850.000,00 денари од досегашните донирани средства.
Во соработка со внатрешните професионални институции во државата, како и надлежните министерства и Владата, кои ги покриваат прашањата на проценките на видовите на штети во вакви ситуации, се работи на изнаоѓање на пристап кој ќе се примени во понатамошна дистрибуција на средствата кои се собираат во Црвениот крст, кој ќе значи реална поддршка во вистинско време за лекување и справување со последиците од катастрофата, за што благовремено ќе информираме; велат.
Заклучно со денешниот ден во апелот на Црвениот крст на РСМ за настраданите од пожарот во Кочани собрани се 112.595.482,00 денари.
Црвениот крст заедно со нашите партнери продолжува со испораката на психосоцијална и друга поддршка на настраданото население. Поради сè уште големиот интерес за донирање, апелот за собирање на средства продолжува и понатаму. Уште еднаш упатуваме голема благодарност до сите кои донираа за помош на настраданите, додаваат.
OhridNews
