Центар за јавно здравје Охрид со препораки до граѓаните за справување со топлото време и високите температури најавени за деновиве. Истовремено, истакнуваат дека на располагање за граѓните од ранливите категории се мобилните тимови.
Топлото време и високите температури кои ги чувствуваме деновиве, како институција која се грижи за јавното здравје, не обврзува да Ве потсетиме и апелираме за сериозно почитување и придржување кон општите препораки за заштита од топлотен бран.
Во таа насока, а со цел намалување на ризиците и спречување на штетните ефекти од надворешните топлотни влијанија предизвикани од високите температури врз здравјето на луѓето, во овие надпросечно топли денови, за сите ранливи категории на граѓани: стари лица, хронично болни, лица со хендикеп, лица со зголемена телесна тежина, бремени жени, доенчиња, кои имаат потреба од лабораториски микробиолошки услуги, Центар за јавно здравје Охрид става на располагање мобилни тимови подготвени да Ве посетат во Вашиот дом во Охрид за да ги земат соодветните материјали за микробиолошка анализа и ги обават потребните административни формалности, а по завршување на анализата, да Ви ги достават соодветните наоди/резултати, потенцираат.
Доволно е посочуваат, да се поседува уредно издаден упат од матичен лекар и да се јават граѓаните на еден од телефонските броеви 078 488-250 или 078 488-262, секој работен ден, најдоцна до 13:00 ч., каде треба да дадат податоци за адресата и видот на микробиолошката анализа која треба да се изврши, согласно упатот од матичен лекар.
Од Центарот апелираат и граѓаните да ги почитуваат препораките за справување со топлото време.
OhridNews
