– Претседателот на Владата Никола Груевски  на 18.03 2009 година постави камен темелник за отпочнување на градежни работи за реконструкција на ул. „Железничка“, но не го исполни предизборното ветување дека северната трансферзала ќе биде завршена за неколку месеци и на граѓаните ќе им се обезбедат пристојни услови за живот, изјави денеска  пратеникот од СДСМ, Томе Чингоски.


На прес конференцијата што се одржа на местото каде беше поставен камен темелникот на ул „Железничка, Чингоски истакна дека и по 7 месеци оттогаш не се почнати никакви активности.

-Лагите на господинот Груески не престануваат тука, а пример за тоа се училишните сали во с. Лескоец каде исто така беше поставен камен темелник но не се отпочнатин никакви градежни работи, а истото се случи и во средното училиште „Ванчо Питошески“, рече Чингоски.


Тој ја обвини актуелната власт дека води интерес единствено за големите тендери, како што се тие за набавка на нови компјутери за учениците.

-Во Охрид одговорно тврдам дека во функција не е ставен ниту еден компјутер а Груевски распишува нови тендери за набавка на нови компјутери за кои граѓаните можат да претпостават од кои причини се распишуваат и како ќе се реалзират, додаде Чингоски.