Четворица Македонци, меѓу кои и едно бебе, биле повредени рано утрово во сообраќајна несреќа во близина на Белград, јавија денеска српски медиуми, пренесува Тв Телма.
Како што пишува белградскиот весник „Блиц“, станува збор за печалбари што работеле во Словенија и кои се враќале во Македонија. Несреќата се случила кај клучката на автопатот за излез од Белград. Биле повредени сите патници, вклучувајќи го и шестмесечното бебе. Една жена имала скршеница на ногата и раката, како и повеќе расеченици на лицето, а другата жена што била во возилото имала тешка повреда на ‘рбетот. На мажот што го управувал возилото му е повреден вратот. Бебето минало со полесна повреда на рамото.
Според првичните информации, до несреќата дошло најверојатно поради тоа што возачот заспал зад воланот.
OhridNews
