Четворица македонски војници ранети во Авганистан

Четворица пропадници на Втората механизирана пешадиска бригада на АРМ се повредени во напад на бобаш самоубиц пред главниот влез на командата на Меѓународната мисија ИСАФ во Кабул, што се случи вчера. Во нападот загинаа најмалку 7 лица, а 90 беа повредени, меѓу нив и  четворицата македонски војници кои за среќа се здобиле само со исекотини по лицето.

– Четворицата припадници се надвор од животна опасност и се вратени на извршување на мисијата, што значи дека нивната здравсвена состојба е добра и нашиот контигент продолжува со задачите без попречувања, изјави Мирче Ѓорѓевски, порптарол на Генералштаб на АРМ.

За нападот биле известени семејствата на повредените војници. Со војниците вчера телефонски разговарал претседателот Ѓорѓе Иванов, кој се интересирал за нивната здравствена состојба.

Повредените војници се дел од контингентот на АРМ кој во јули годинава од Охрид замина во Кабул, каде ја обезбедува командата на ИСАФ.

Одговорноста за нападот кој се случи на пет дена до изборите во Авганистан ја презедоа талибанците.