Четкар: Чест ми е да настапам пред своите сограѓани

Ми причинува особена чест, но и морална обврска да настапам пред своите сограѓани истакна извонредниот музичар Владимир Василевски – Четкар, кој со својот бенд во недела, 16-ти август, ќе одржи концерт на Античкиот театар во Охрид.

Детали за концертот без изнесени на прес конференција што се одржа денеска во малата сама на општината,  која го поддржа настапот на Четкар во Охрид. Покрај Владимир на средбата со новинарите присуствуваа и другите членови на бендот, Хју Вајт – клавијатура, Бенон Сатлер – тапани и Џонатан Харди – бас гитара.

На концертот Четкар ќе ги иэведе темите од неговиот последен албум “We Will Never End“ преаранжирани эа квартет како и најнови песни кои премиерно ќе бидат отсвирени на античкиот театар во Охрид.

Билетите эа концертот на Владимир Четкар, можат да се најдат во продажба по цена од 250 денари на повеќе локации во Охрид и Скопје. Во Охрид билетите ќе можат да се купат во муэичката продавница „Кукуэел,“ и во продажните места на фестивалот „Охридско лето“, а во Скопје ќе можат да се купат во „Југотон“ како и во кафулињата  „Круг“ и „T-Club“.