Четири нови нафтени деривати од денеска се воведуваат на македонскиот пазар, соопшти на прес-конференција владиниот портпарол Мартин Мартиновски.
Од денеска на бензинските пумпи ќе се продава мазут со содржина на сулфур од максимум еден процент, Еуродизел 5, кој содржи максимум 10 ппм сулфур, како и безоловни бензини од 95 и 98 октани со најмногу 35 проценти аромати и еден процент бензен.
Новите деривати се со највисок квалитет во однос на заштитата на животната редина и согласно строгите европски норми, а се воведуваат врз основа на Правилникот за квалитет на течни горива, информираше Владата.
Ohridnews
