Екипите на Црвениот крст од Охрид кој денеска беа задолжени за медицинската безбедност на капачите кои скокнаа по светиот крст, регистрираа  вкупно  четири интервенции. Во сите случаеви, медицинската помош на капачите им била укажана поради хипотермија.  


– Екипите за спасување на вода извлекоа четири капачи со хипотермија (намалена телесна температура) од кои три посериозни случаи. Сите се соодветно згрижени, а двајца од нив се задржани во охридската Општа болница. Ниту еден од овие случаеви немаше поголеми последици врз здравјето – изјави Сашо Точков, претседател на општинската организација на Црвениот крст.


Сашо Точко

Капачите, потврдија дека  годинава температурата на водата во езерото  била пониска  од претходните години, а исто така како резултат на обемните дождови и снег кои наврнаа претходните месеци, забележително било зголемено и нивото на езерото.

Ohridnews