Фудбалската репрезентација на Македонија, на најновата ранг листа на
ФИФА, бележи пад за едно место во однос на изминатиот месец и се наоѓа
на 84-то место.

Македонија има најлош рејтинг од сите противници со кои игра во
квалификациската Група А за пласман на Светското првенство во Бразил во
2014 година – Хрватска е четврта, Белгија 15-та, Србија 40-та, Велс се
наоѓа на 49-то, а Шкотска на 78-то место.

На листата на ФИФА нема никакви промени меѓу најдобрите 10 светски
селекции, прва е Шпанија пред Германија, Аргентина, Хрватска,
Португалија, Колумбија, Англија, Италија, Холандија и Еквадор.

“Макфакс“