Познатиот актер Чарли Шин го призна она што во јавноста долго се шпекулираше. Тој во емисијата “Today” рече: „Овде сум за да признам дека навистина сум ХИВ позитивен“. Додал дека е тешко да се прифатат тие три букви. Веќе неколку седмици се шпекулира за идентитетот на холивудскиот аткер кој е заразен со ХИВ, а изминативе денови се појавија информации дека станува збор за Чарли Шин.
Тој изјави како дознал дека го има вирусот пред околу четири години. Поголемиот дел од минатата година актерот се криеше од јавноста и ретко се појавуваше во медиумите. Зад себе има три пропаднати бракови, неколку раскинати веридби и бројни романси со познати жени. Со првата сопруга Пола Профит ја има ќерката Касандра, со Дениз Ричардс ќерките Лола и Сем, а со Брук Милер ги има шестгодишните близнаци Боб и Макс.
