Актерот Чарли Шин ја продал својата раскошна вила, која се наоѓала во престижната населба Лос Фелиз во Лос Анџелес, за 2,9 милиони долари на својот колега Сајмон Хелберг. Некогашната ѕвезда на серијата „Два и пол мажи“, кој моментално се наоѓа во Колумбија каде снима шоу со локалните жители, ја продал својата вила изградена во медитерански стил во 1927 година.
Вилата била реновирана во повеќе наврати, а имала пространа дневна соба, четири спални соби, еден голем апартман, а нејзината внатрешност била украсена со статуи на Буда. Шин вилата ја купил во 2007 година додека бил со тогашната сопруга, актерката Брук Милер, и тоа за 2,5 милиони долари.
