Целје е првиот финалист на 50. јубилејно издание на Меѓународниот ракометен турнир „Струга 2022“, откако вчера го совлада македонскиот шампион Вардар со 36:28 (17:17).

Претходно екипата на Еурофарм Пелистер минимално го победи Татран Прешов со 25:24 (11:10) и во денешниот натпревар со реми или победа против грчкиот вицешампион АЕК ќе игра во саботното финале на турнирот.

Во мечот меѓу АЕК и РК Струга, грчкиот тим убедливо го совлада домаќинот Струга со 30:15 (15:5). Најефикасен кај грчкиот претставник беше Живковиќ со шест погодоци, кај домаќинот на турнирот најпрецизни беа Бобан Блажески и Петар Маркоски со по три погодоци.

На Меѓународниот ракометен турнир во Струга присустуваше и претседателот на државата Стево Пендаровски.

OhridNews