Од доаѓањето на Бруно Фернандес во Манчестер Јунајтед, клубот нанижа неколку победи и направи серија од 11 натпревари без пораз на кои прими само два погодоци. Португалецот беше алката која му недостасуваше на Оле гунар Солскјер на теренот за придвижување на работите во позитивна насока. По тој повод, Бруно Фернандес ја доби наградата за најдобар фудбалер за месец февруари во англиската Премиер лигата.

  • Уште кога бев мал ги гледав натпреварите на Манчестер Јунајтед и посакував еден ден да играм на Олд Трафорд. Амбициите на Манчестер Јунајтед се поклопија со моите. Имав и се уште имам големи очекувања. Головите и асистенции се моја обврска. Првиот погодок вечно ќе го паметам, без разлика што го постигнав од пенал. Јас сум среќен за мојот почеток на Олд Трафорд и се надевам дека ќе имаме многу среќни моменти со навивачите. – изјави Португалецот.

Бруно Фернандес во Манчестер Јунајтед се пресели од Спортинг Лисабон во трансфер вреден 60 милиони евра. Репрезентативецот на Португалија наградата ја презеде од Серхио Агуеро (Манчестер Сити), кој беше прогласен за најдобар играч во јануари. Во декември најдобар беше Трен Александар Арнолд (Ливерпул), во ноември наградата ја понесе Садио Мане (Ливерпул), во октомври за најдобар прогласен беше Џејми Варди, а наградите во септември и август заврши кај Пјер Америк Обамејанг (Арсенал) односно Тим Пуки (Норвич).

OhridNews