Бројот на инфаркти во државава е двојно поголем во однос на претходните години, рече денеска директорот на Клиниката за кардиологија , др. Сашко Кедев.

„Обично во летниот период бројот на инфарктите не е голем, меѓутоа нашата статистика во јули покажа двојно поголем број на инфаркти во однос на минатите години. Најверојатно има некои други фактори кои влијаат на оваа зголемена инциденција, меѓутоа за среќа нашата опременост и резултатите кои што ги постигнуваме на дневна основа, потврдуваат дека нашите пациенти имаат во однос на европските стандарди највисок квалитет на услуга“, рече Кедев.

 Тој порача да не се  излегува многу во најтоплите часови во текот на денот и да се пијат многу течности.

OhridNews
извор:„ Макфакс“