Во рамки на работната посета во Израел, градоначалникот на Охрид Никола Бакрачески вчера присуствуваше на свеченото отворање на 30-тата Израелска интернационална конференција на градоначалници што се одржа во хотелот „Кинг Давид“ во Ерусалим. На конференцијата градоначалникот Бакрачески оствари средба со градоначалникот на Њујорк Бил де Блазио и со претседателот на Американско- Еврејскиот Конгрес, Џек Росен.
Во текот на вчерашниот ден градоначалникот Бакрачески во Тел Авив оствари работна средба во двете водечки израелски компании во ИТ секторот Нес и Гет , менаџерите Мајкл Зиндерман и Макс Красник. Работниот ден беше завршен со посета на најголемата компанија за менаџмент на отпадни води Штанг , којашто е од интерес за Охрид и Охридското Езеро во поглед на заштита на водите и санација на колекторскиот систем.
Посетата на Израел продолжува денес во градовите Јокнем и Хаифа каде Бакрачески ќе оствари средби со градоначалниците на овие два градови и ќе посети неколку ИТ компании како и светската компанија за дијагноза и третман на срцеви аритмии Биосенс Вебстер.
Утре во рамки на конференцијата Бакрачески ќе се сретне со израелскиот Премиер Бенјамин Нетанјаху и градоначалникот на Ерусалим, Нир Баркат.
OhridNews
