Британското министерство за одбрана годишно троши околу половина милион долари на списанија како „Космополитен“, “GQ”, „Гламур“ и слични изданија, што предизвикало револт во јавноста бидејќи поради кризата биле поделени откази на голем број воени лица. Британското министерство за одбрана е претплатено на дури 930 различни изданија, што списанија, што дневни весници. Покрај тоа што сакаат да читаат женски списанија, тука биле и списанијата за мажи, како што е “Top Gear”, но и сосема необичното списание “House Beautiful” посветено на уредување на домот и ентериерот и слично.
Интересно е што овие изданија се нарачуваат и испраќаат на оние војници кои закрепнуваат во болниците и клиниките, како би го исполниле времето. Бидејќи британкста војска се соочува со сериозна криза, поради што без работа останале околу десет илјади лица, а воениот буџет претрпел големи рестрикции, информацијата за трошокот за шарени списанија наишла на многу негативна реакција кај јавноста, а посебно кај воените лица кои на своја кожа ги чувствуваат последиците од кризата.
