Странските медиуми пишуваат дека славниот актер повеќе не е во врска со познатата млада манекенка Суки Вотерхаус. Се шушка дека двегодишната врска ја прекинала 23-годишната Суки, а причина за тоа наводно било тоа што британската манекенка сватила дека сепак е премлада за 40-годишниот Бредли. Светските медиуми така повторно се распишале за славниот холивудски убавец.
Бредли не губел време по прекинувањето. Се зборува дека утеха пронашол во актерката Маргот Роби. Списанието „New Idea“ пишува дека парот бил виден на доделувањето на наградите „Critics Choice Movie Awards“. Добро упатен извор рекол дека сите кои ги виделе заедно можат да потврдат дека меѓу нив има хемија. Прекрасната актерка Маргот Роби, која се прослави со улогата во филмот „Волкот од Волстрит“, моментално повторно ги освојува срцата на обожавателите во новиот филм „Фокус“ во кој глуми со Вил Смит.
