Ј.П.”Охридски Комуналец” деновиве  спроведува  акција за чистење на кејот заради големите наноси од отпад кои ги исфрлија брановите во текот на изминатата недела, како последица од силното невреме.


Овие вонредни активности кои ги спроведува претпријатието се по налог на комуналната инспекција. Притоа е ангажирана и механизација за отстранување на отпадот од езерските води и негов транспорт и за таа цел ангажирани се 10 работници.


Се работи и на потегот од пристаништето до х.Палас од каде се подигнати 15 тури на отпад- пластика, реса, муљ или околу 67 кубици отпад. Дел од отпадот ќе се расчистува рачно.


Од понеделник екипите ќе ја продолжат работата на кејот пред хотел Милениум.

OhridNews
фото: Емилио