Браќата Ѓорѓи и Димитар Миладинови, кои претходно беа осудени на шест и пол години затвор за случајот „Изгрев“,  синоќа се пуштени на слобода од притворот во Скопје, јавува „Макфакс“.

Апелациониот суд во Скопје вчера ги уважи жалбите на браќата Миладинови и ја поништи пресудата на скопска единица, со која тие беа осудени за перење пари, измама со кредит, давање исправа со лажни податоци.

„Нашата работа беше чиста, парите одеа преку трансакциски сметки. Никогаш не сме учествувале во криминал со перење пари. За казните сметаме дека се драконски. Бараме ослободителни пресуди”, стоеше во жалбите до Апелациониот суд на браќата Миладинови.

OhridNews
извор: „Макфакс“