Коби Брајант постигна 44 поени за Лејкерси на натпреварот против Гризлис во Мемфис, со што се искачи на врвот на вечната листа како најдобар стрелец во клупската историја на тимот од Лос Анџелес. Со ова Брајант има вкупно 25 208 поени, надминувајќи го досегашниот рекорд на легендарниот “езерџија” Џери Вест од 25 192. Истовремено Брајант му го превзеде и 14тото место на вечната листа на најдобри стрелци во НБА. Славењето на Коби го “расипаа” играчите на Гризлис, победувајќи со 95-93. 


остануваат историја за своите тимови – Бирд и Вест

Кевин Гарнет постигна 19 поени за Бостон Селтикс на натпреварот против Вашингтон Визардс, со што дојде до бројка од вкупно 21 792 постигнати поени во кариерата. Така Гарнет го завзеде 24-тото место како најдобар стрелец во историјата на НБА, кое досега му припаѓаше на легендата на Бостон, Лери Бирд со вкупно постигнати 21 791 поени. Бостон славеше со 99-88, но победата падна во сенка на повредата на нивниот капитен Пол Пирс, кој најверојатно има фрактура на стапалото па ќе мора на операција.

К.Д.